قرار هــــام يخص التـــــــعليقات
زوار مدونتي الأعزاء من الجنس الآخر
لقد بحثت وقرأت كثيرا عما يخص حكم التعليق بين الجنسين,
ووجدت أن هذا الأمر حلال شرعاً,ولـــــــكن يجب أن يخضع ذلك لضوابط شرعية حددها
مجموعة من العلماء,وقد أكون تجاوزتها أحياناً أو تجاوزها البعض فأسأل الله أن يغفر لي ولهم,
أما أنا فقد اتخذت قراري بعدم التعليق والرد على تعليقات الشباب
وليس ذلك تزمتا مني,ولكنه ليس إلا لبعض الأسباب الشخصية ,
وهذا لا يعني أني أمنع تعليقاتهم,بل أني أكون حقا ممتنه إذا تركوا بصماتهم المنضبطة بالضوابط الشرعية
كما أن هذا القرار لا يعني عدم متابعتي لمدوناتهم المميزة الرائعة,ولكني سأظل زائرة لها باستمرار
لأتعلم وأستفيد وأنهل من بحور كلماتهم,
فجزاهم الله عنا خيرا.
وأسال الله ألا يغضبهم ذلك.
انكسري...اخشعي...اخضعي
تذللي لله,وله اسجدي واركعي
لا يانفس لا,لا تتمنعي...
.
كفى لهواً...كفى بعداً...كفى شراً
هيهات يا نفس أن تشبعي
.
أوكلما أَعَدْتُ إليكِ الروح...
وداويت فيكِ كل الجروح...
عُدتِ إلى الضياع وزدت الجروح قروح!
.
يانفس بذنوبكِ ناطحتِ السحاب...
ألا تخافين يانفس العقاب؟!!
أم نسيتِ أن مردك للتراب؟!!
وأن هناك يوماً للحساب...
ستجازين فيه سوء العذاب...
.
توبي إلى الباري الغفور...
توبي من ظلام الفجور...
توبي وارمي همومك في البحور...
توبي وابني في الجنان القصور...
.
أما زلتِ يانفس تفكرين؟!!
وهل بعد الإسلام دين؟!!
لا وربي إنه الحق المبين...
.
به يا نفس تطمئني...
وللضلال أبداً لن تحني.
79 اسعدوني بآرائهم:
بجد بجد بجد عجبتنى
أنا ساعات بقول على حاجات عجبتنى ومبتبقاش عجبتنى
لكن دى بجد عجبتنى
على فكرة مع كثر القراية الكثير فى الشعر والكتابة والتمرين مستواكى هيعلى أكثر وأكثر
لأن انا شايف فيه موهبة ظاهرة
بجد روعة كلماتك
الحمد لله على نعمة الإسلام وكفى بها نعمة
توبي يا نفسي لله واسجدي
وكفي يدا عن المعاصي واتركي
أوكلما جاء الظلام ...
وقلت قومي والخلق نيام
قومي فتوبي لرب الأنام
تمردتي يانفسي على الكلام
وقلتي مازال للمعاصي هنا طريق
.......
يانفسي ...بكيت عليكي ولكي كثيرا
حتي متي ...حتي متي !!!تسيري وانا معك أسير
يا نفسي...تأهبي فلا يلعب الأمل الطويل
فالموت ما بين ترفه عين أو أدناها
فيانفسي إن لم تتوبي فلك النار مثواها
ناديتك في الظلمات وأقسمت لكي في الخلوات ...أن تتوبي
فمالي أري جحود قلبك
يا نفس ...حتي متي
حتي متي يانفسي نسير في هذا الطريق
وكل الوجوه فيه سوداء
آن الأوان يا نفسي أن تتوبي لله وتسجدي
لا لا..لا تفكري أو فكري فهذا الصواب
أنه طريق ليس به ظلمات به الحق و النور
توبي واسجدي لله الغفور
ابكي يا عيني على حالي
ابكي واغسلي بتلك الدموع عاري
ابكي لعلكي تغسلي بتلك الدموع المعاصي
ابكي وادعي لكل عاصي
::::::::::::::::::::::
وطبعا اللي حضرتك كتباه جميل جدا وروعه ودليل على موهبه جميله
تقبلي مروري
جميل جدا
حوار لا نهائى لنفس لاتكبح
بجد كلا جميل اوى
انا عن نفسى محتاج اقف مع نفسى شويه
محتاج اعاده تقييم مره تانيه
يارب يقدرنى واقدر ارجع للطريق السليم
متتخيليش كلامك جه فى وقته تقريبا
تقبلى تحياتى
كلام جميل !
دمتِ بخير :)
السلام عليكم ورحمة الله وبركاته:
كيف حالك اختى الغلية سلمى، اسال الله ان تكونى فى افضل صحة واتم عافية وخير حال وان يرضيكى الله بما تحبين وتشتهين دوما باذن الله.
عود حميد ، افتقدناكى انتى وموضوعاتك الرائعة. اوعى تعمليها تانى وتغيبى كدة احنا منقدرش على بعادك.
اما بالنسبة للبوست ، فكالعادة موضوعاتك دائما جميلة واروع من ان يصفها كلام او لسان.
والبوست دة بالذات اروع ما كتبتى
( ربنا يهدينى واياكى والمسلمين اجمعين).
واستأذنك اختى الغالية ان تسمحى لى بنسخ هذا البوست بتوقيعك الكريم فى مدونة المهاجر .
اخيكى فى الله / طارق سليم
اجمل مافي الكلام ده بساطته وتلقائيته
انا اول ماكتبت كتبت بالطريقه دي
وبعدين اتعلمت الشعر حبة حبة
استمري يا سلمي ربنا يحميكي
انا متابع المدونه دايما
آسف ان كنت لضيق ذات النت مش بعلق كتير
وآسف كمان ان كنت ماحققتش طلبك لما قلتليلي أنزل الكلام اللي في الفيديو مكتوب..غصب عني الدنيا زحمة جدا ربنا ما يوري حد
بس هو الكلام اللي وقع ده كلام طبي انجليزي عشان كده كان صعب شوية
المهم ان باقي الكلام عجبك
دمتي بكل خيري
ومتشكر جدا لتشجعيك الدائم
جزاكي الله كل خير
دمتي بخير وتقبل الله توبتك
مشاعر صادقه كما اتمنى
دمتى صديقتي
دائماً ما يخرج من القلب .. يصل إلى القلب ..
سلمت يمينك ..نفع الله بك
انا كمان كتبت لها هذا الموضوع ادعوكِ لقرائته
http://monaliza110.blogspot.com/2008/04/blog-post_06.html
جزاك الله كل الخير سلمي ورزقك ما تتمنين ان شاء الله
(أم نسيتِ أن مردك للتراب؟)
منها خلقناكم وفيها نعيدكم
ومنها نخرجكم تارة اخرى.
جميلة كلماتك ياسلمى
وكما عهدناها دائما
ما شاء الله
سلمت يمناك يا سلمي
ربنا يجعلها في ميزان حسناتك يارب
وربنا يجعلنا من التوابين
خالص حبي لك
تذكرةٌ طيبةٌ في ثوبٍ قشيب من الكلمات الجميلة
جزاكم الله خيرا.. وجعلها في ميزان حسناتك..
وحسناتنا :)..
لك موفور التحية
ما شاء الله جميييلة جدا ياسلمى ..
ايوه كده ارجعى بالحاجات الحلوة دى ..
ربنا يتوب علينا ويردنا ليه ردا جميلا ..
دمتِ ودام إبداعك ..
للاسف النفس عاوزه وقفه طويله معاها كل فتره كده لازم كل واحد فينا يقف مع نفسه ويحاسبها ويخليها تقف عند حدها
د/ ياسر
جزاك الله خيرا,
انا مستاهلش كل الاطراء ده,
اهم حاجه انها عجبتك الحمد لله.
محمد غالية
فعلا الحمد لله على نعمة الاسلام,
وربنا يقدرنا على العمل بما جاء في تشريعاته,
جزاك اللله خيرا.
م/علي درويش
جزاك الله خيرا,
وشكرا لاضافة كلماتك.
محدش بيموت ناقص حلم
شكرا لزيارتك وتعليقك,
جزاك الله خيرا.
د/عرفة
الله يكرمك,
ربنا يقدرك ويقدرنا على نفوسنا,
ويهدينا لما يحب ويرضى.
حنون
جزاكِ الله خيرا,
وفعلا النفس لا تكبح بس لازم نجاهدها ونوقفها عند حدها.
الماهجر الى الله
جزاك الله خيرا لدعائك وكلماتك,
اما بالنسبة لنسخ الموضوع فلا مانع
على الرحب والسعة مادامت حقوق النشر ستكون محفوظة لي.
محمود ابو العزم
جزاك الله خيرا,
وزادني كما زادك من فضله,
انا الكلمات اللي وقعت مني مكنتش الطبية بل كثير من الكلمات في مختلف القصائد,فالصوت لم يكن واضحا عندي,
ولما تفضى ابقى اكتبهم بعد سماحك,
انا صحيح مش دكتورة لكن تقريبا بقيت دكتورة من كثر السماع لدرجة ان في ناس بتفكرني دكتورة,وده بسبب ان اهل بيتي تقريبا كلهم دكاتره.
شباك موارب
جزاكِ الله خيرا,
واسال الله ان يهديني واياكم.
ابنة ابيها الفاضلة
جزاك الله خيرا.
موناليزا العزيزة
قرات كلماتك وهي ماشاء الله كلمات رائعة,
جعل الله ما كتبنا في موازين حسناتنا.
الاخ الفاضل غريب
جزانا الله واياكم,
ولقد اعجبتني مدونتكم ولكن لا ادري لماذا لم اتمكن من الوصول لمكان التعليق بها.
د/نور
جزاكِ الله خيرا,
واسال الله ان يحينا على الاسلام ويتوفنى مسلمين ويحسن خاتمتنا.
غرتي حبيبتي
جزاكِ الله خيرا,
وتقبل دعواتك اختي الحبيبة.
القلم السكندري
جزاك الله خيرا,
وجعله الله في ميزان حسناتنا جميعا (:
لجين ابو الذهب
جزاكِ الله خيرا يا قمر,
واسال الله ان ينفع به,
تقبل الله دعواتك.
حسن حنفي
فعلا عندك حق,
فلازم نحاسب انفسنا قبل ان تحاسب.
السلام عليكم ورحمة الله وبركاته:
الاخت الكريمة / سلمى محمد
شكرا جزيلا لك على كرم اخلاقك ورحابة افقك . قمت للتو باعادة نشر البوست فى مدونة عيون بعد موافقتك على هذا .
اشكرك مرة اخرى .
اخيكى فى الله / طارق سليم
سلمى
فوق الرائع
ايه يابنوته الكلام الراقى ده
بارك الله فيك ونفعك يالعلم
ورزقك صحبة عباده الصالحين
كفى ؟؟؟
كفى إيه بس ؟؟
دي مش بتكتفي خالص , غير لما تودي الواحد في داهية ,
الواحد بصراحة أغلب الوقت بيبقى مخنوق من نفسه لأنه مش عارف يقودها !!
بصراحة مش عارف أقول إيه ؟؟
كلماتك رائعة , و ما خرج من القلب عن واقع تجربة لابد و أن يصل إلى القلب ,
و أدبيا فاختيار الكلمات و براعة الأسلوب و السجع أضاف لها الكثير ,
جزاكم الله خيرا ,
و ربنا يهدينا و يهدي الجميع , و يقينا شر نفوسنا ..
و شكرا جزيلا على السؤال , جزاكم الله خيرا ..
دعوه
الأخت العزيزه
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo
حلوه اوى بجد :)
ربنا يباركلك
ما شاء الله تبارك الله
بداية احب استأذنك في اني اضيف مدونتك عندي في قائمة المدونات لما وجدته فيها من جمال
بجد ما شاء الله عليك اختي
هذه اول زيارة لي لمدونتك و صراحة عجبتني كتير و ان شاء الله ياكون متابعة ليها
البوست ما شاء الله كله ايمان
فكرتيني في انشودة جميلة اوي بتقول
كفى يا نفس ما كان كفاك هوى و عصيانا
كفاك ففي الحشى صوت من الاشفاق ندانا
اما آن مأب بلى بلى يا نفس قد آن
بارك الله فيك اختي
تقبلي مروري
دمت في حفظ الله
السلام عليكم ورحمة الله ويركاته
يا رب تكون بصحة و بخير
،،
كلماتك جميلة
هل هي ناتج للوقفة مع النفس
أم تذكرة لأن الذكري تنفع المؤمنين
،،،،
التوبة والاستغفار
الخشوع والانكسار
والعمل الصالح البار
بعداً عن الذنوب بلا إصرار
وعد الي العلي العزيز الجبار
الذي يعلم الخفايا والاسرار
وتزود بالتقوي وخذ منها بلا مقدار
تفز بالجنة نعم الدار
،،،،،
لن لأستطيع مهما فعلت أن أجسد احساسك
أو مشاعرك
لكن ككثيرا ودوما
أتأمل وأفكر في قول الله تعالي
أَلَمْ يَأْنِ لِلَّذِينَ آَمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِنْ قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِنْهُمْ فَاسِقُونَ (16) اعْلَمُوا أَنَّ اللَّهَ يُحْيِي الْأَرْضَ بَعْدَ مَوْتِهَا قَدْ بَيَّنَّا لَكُمُ الْآَيَاتِ لَعَلَّكُمْ تَعْقِلُونَ (17)
تصوري أن الخطاب للمؤمنين
الله سبحانه وتعالي يخاطبنا بقوله
ألم يأتي ( يحين ) الوقت لكي تراجع نفسك
ويلين قلبك ذكر الله ويلين القلب بتلاوة القرآن والذكر والتفكر في مخلوقات الله والكون الفسيح
ألم يأتي الوقت للتوبة والاستغفار
ألم يحن الوقت لمعرفة الله
(( هذا التفسير يخصني - والله أعلي وأعلم- ربنا يغفر لي لو أخطأت في شئ ويسامحني عن التقصير)انه نعم المولي ونعم النصير
وكل يوم أتفكر
لما يكون الخطاب للمؤمنين
وكل يوم يتجلي معني جديد
ليصبح لكل منا خواطره
لا تنسينا من صالح دعواتك
تحياتي لأبداعك
سلمى
ايه ساعتزلكم
وعدت
كل ده حصل وانا مش هنا
معلش انتى عارفه كان عندى امتحانات
لا احنا لازم نتكلم واعرف كل اللى فاتنى:)
وحشتينى ازيك بقى وكيف الحال؟
يارب تكونى بخير
انا كمان بجد فرحت اوى بكلامتك
ومتعرفيش قد ايه وصفتى وانا بتكلم مع نفسى
بس باسلوب روعه
go on honey
you have a talent
اتمنى زيارتكم لمدونتى وابداء الراى فى الموضوع المطروح ، فلا تتاخروا ولا تبخلو ا بالمشاركة
شعر جميل وزجر للنفس اجمل
Really great work. Congratulations!!!
Happy Day!!!!
مبروك ياسلمى :)
وصلتِ للعالمية:)
ديفيد سانتوس بنفسه
جالك وبيقولك مبروك :)
المهاجر الى الله
جزاك الله خيرا.
ام البنات
جزاكِ الله خيرا خالتي,
وتقبل الله دعواتك لي.
تيمي
لازم نقرعها ونوبخها ونجاهدها,وربنا يعينا وينصرنا عليها,
وجزاك الله خيرا,
احنا بنستمد الموهبه من اصحابها امثالك.
زهرة الامل
جزاكِ الله خيرا,
شرفتني زيارتك لمدونتي المتواضعه.
الطالبة عفو الله
اسعدني اعجابك بمدونتي البسيطه وبكلماتي الغاية في البساطة,
ويسعدني اكثر اضافتك لمدونتي عندك,
شرفتني زيارتك وتسعدني دوما يا اخية,
وانا عارفة الانشودة دي وبحبها جدا.
حسونه(محمد)
وعليك السلام ورحمة الله وبركاته
انا بخير والحمد لله,
كلماتي هي نتاج للوقفه مع النفس ولكنها بصوت عالي لاذكر بها اخوتي,
جزاك الله خيرا على جميل كلماتك,
هدانا الله دوما الى ما يحب ويرضى,
وفعلا يجب ان يكون جوابنا بلى يا نفس قد آن.
دينا
شوفتي ياستي غيابك عمل فيا ايه,
عسى تكون الامتحانات جت كويسه,
وان شاء الله نتكلم بالتفصيل على الاميل,
ربنا يهديني واياكِ,
جزاكِ الله خيرا.
بيرم المصري
جزاك الله خيرا,
زرت بالفعل مدونتكم وقد اعجبتني جدا كلماتك بارك الله فيك.
david santos
شكرا لزيارتك
أسعدتني كلماتك,
ان كانت الترجمه افهمتك كلماتي فللاسف دخلت مدونتك ولم تفهمني الترجمة كلماتك.
د/نور
الله يبارك فيكِ,
ولو اني مش عارفه ازاي دخل هنا؟!!
عقبالك (:
لا هو بيحب العرب اوى
(هذا على حد قوله)
وكمان بيعرف عربى
وكان اول او تانى
واحد يعلق عندى.
د/نور
هو بيعرف يقرأ عربي وانا للاسف مش عارفه اقرا لغته في المدونه وحتى بالترجمه مش مظبوطه ):
عزيزتى سلمى
السلام عليكم
ربنا يهديناكلنايارب و يعينا على طاعته
جميل البوست قوى ماشاء الله
ربنا يجعله فى ميزان حسناتك
بالنسبه لحبيبتى أميرة ( غربتى ) إن شاء الله هطمنك عليها ونطمن كلنا أصل أميرة كانت دايما تقوللى إنها عامله زى القوقعه لما تميل للهدوء تقفل على نفسها
ربنا يطمنا عليها وان شاء الله حبيبتى أول ما أطمن عليها هطمنك
تحياتى
زينب
آآآآميين,
جزاكِ الله خيرا,
وأرجوكِ طمنيني بسرعه ووصليلها اني عاوزه اكلمها.
معلش علي التأخير يا سلوم بس انتى عارفه الظروف..
كلامك جميييييييييل جدا ..
ربنا يبارك فيكى..
د/آية
ولا يهمك يا يويو,
جزاكِ الله خيرا,
مرورك نورني,واهلا بيكِ في اي وقت.
العنف ومنبعه
بنعلم ولادنـــــــــا شعـار اللى يضربك اضربه
من غير ما نعلمهم خطورة الضــــــــرب ومقصده
وتركنا التسامح والعــــــــفو وخالفنا موعده
ونستغرب زيادة العنف ونقعــــد نولول ونعدده
ما العنف احنا اللى زرعناه بكلامنا وتـــشدده
ونتباكى على ضحايا فكرنا وكلامنا اللى بنردده
ودموع التماسيح لن تحل مشاكلنا المتعدده المتردده
ولا تلغى افكارنا الهدامة المسيطرة المتمـــــددة
فى عقول تبلدت بافعال التخلف المتزايـــــــدة
مرسلة بواسطة كلام على بلاطة
نحن قوم اعزنا الله بالاسلام فاذا اردنا العزة بغيره اذلنا الله
جزاكى الله خيرا على البوست الرائع ده
بجد بجد بجد بوست هااااااااااااايل
كالعادة موضوع متميز
نابع من القلب
وكفى يا نفس كفى
فمسواكى التراب
وتحياتى اليكى
وتسلمين
ولعلنا نفقه .. جزاكِ الله خيرا يا جميل على التذكرة
فعلا ولأنها نفس فلابد من ترويضها والتدرب على قيادتها للخير
رزقنا الله وإياكِ النفس المطمئنة
............................
كلام على جنب : وحشتينى جدا يا سكر يارب تكونى بخير :) دعواااتك
فعلا النفس دي مشكلة
إلا للي ربنا يزللها له
ربنا يعنا على شرور أنفسنا
ويبقى التواصل
ابو المفاصل
ربنا يعافينا من العنف ده.
ريحانة
جزاكِ الله خيرا,
هذا من فضل ربي.
خديجة
جزانا الله واياكم,
وآآآمين ربنا يجعل انفسنا انفس مطمئنة به.
-------
انتِ اللي وحشتيني اكتر,حمدا لله على السلامة يا عسل.
معتز شاهين
يارب يعينا على انفسنا,
جزاك الله خيرا.
إزاي أنا مشفتش الموضوع ده أول ما نزل
جميل جدا يا سلمى
كالعادة
الموضوع جميل جداااا والكلمات معبره لابعد حد
يارب اكفنا شر نفوسنا امييين
اختك ساره
حسم غانم
في الاول في الآخر مش فارقه (:
جزاك الله خيرا.
سارة
آآآآمين ياسارة,
منورة ياجميل.
اه
القصيدة دي انا قيرتها عند المهاغجر الى الله هو فعلا قال انك سمحتي ليه ياخدها ينشرها عنده
فعلا جميلة جدا
وحسيت ان حد متخصص في الشعر هو اللى كاتبها
ربنا يباركلك ويثبتك
ويقدرك علي نفسك الامارة بالسوء
ويهديكي الى الطريق المستقيم انا وانتي ان شاء الله
مها زين
بجد اسعدني تعليقك,
بس مين ده اللي متخصص في الشعر؟
ده يا دوب على قدي ده اذا كان ينفع نقول شعر,
ربنا يهديني واياكِ.
شارك في الحملة من أجل إطلاق سراح
المدون دكتور / توكل مسعود
مااااشاء الله
ربنا يبارك يارب
كلمات رائعه فعلا ومؤثره لانها من القلب
ربنا يجزيكى على كل حرف حسنات
ندعوكم للمشاركه معنا فى حمله لو عرفوه هيحبوه لنصره النبى صلى الله عليه وسلم
ايميل الحمله law3refoh@yahoo.com
طالبة الفردوس
آآآآمين يارب,
جزاكِ الله خيرا.
إرسال تعليق